كعبلاوى والدستور

الدنيا جرى فيها ايه يا جدعان ؟ كل يوم قانون وكل يوم دستور مادة تنشال وماده تيجى طيب لما الدستور عاوز دستور يبقى من باب اولىن نلغى الدستور الفرنساوى ونجيب الدستور الفرعونى ماهو كده كده احنا دستورنا فرعونى .. اقولك يا عمنا ازاى ... الدستور دا مش قوانين والقوانين مش معموله لحماية المجتمع ولحماية الناس ولمنع الظلم والفساد والقتل والسرقه ووووووو هو دا القانون اللى هو الدستور طيب لما نلاقى القانون قانون سكسونى والدستور دستور يا اسيادنا الفقير مش لاقى يا كل وبينتحر والغنى ربنا بيزيده وبيفترى واشى احتكار حديد ربنا يعزكم واشى شركات محمول محتكره السوق واشى ظلم وافترا وفساد طيب فين القانون ...ههههه قانون ايه يا عم كعبلاوى القانون سكسونى والدستور للاستهلاك فى الجرايد والتلفزيونات وسبع ورقات كوتشينه ووووو قانون ايه اللى يحمى الهليبه والنصابين ومحتكرى قوت الغلابه قانون ايه اللى بيتفصل مخصوص علشان الظلم يبقى افتنرا والعدل يبقى مانشيت فى صفحة الوفيات .... العدل اساس الملك والملك عادل حتى لو ظالم والظلم دايس على انفاس الفقير بيطارده فى لقمة عيشه الدستور يا اخوانا اللى بنصوت عليه مبيحميش الغلابه عمرك شوفت مواد تتغير علشا ن تدى صلاحيه لظالم وتزوير اكبر عمرك شوفت قانون بيتفصل للاغنياء ... عمرك شوفت قرارات علشان خاطر عيون فلا ن عمرك شوفت بلد فقيرها بيرمى نفسه من فوق الكبارى علشان مش لاقى ياكل ولاده عمرك شوفت فقير بينطرد من السكن علشان توسيع رقعة الاراضى الخضرا وان شالله ينام فى الشارع وبرده هيمسكوه تحرى عمرك شوفت بلد زى كده علشان كده صحيت اتوضيت وصليت وطلعت وانا ناوى اصوت واقول لالالالا بالفم الحيانى لا للتعديل الدستور استعنت بالله ودخلت اللجنه لقيت ورق كتير كله نعم للتعديل نعم نعم نعم قلت فى عقل بالى يا لهوى يا ولاد الفلاح البسيط بيقول نعم والمفترى بيقول نعم والست اللى شايله على كتفها حلة الجبنه اتعلمت القرايه والكتابه قوام كده وبتكتب نعم ... اول مره يتفق الشعب كله على كلمة نعم بس اتفاق داخل الصناديق بس اه ماهو اللى جوه الصناديق بقدرة قادر تبقى نعم قلت يا واد يا كعبلاوى انت عبيط ومثير فتنه حط ايدك وأشر على نعم مادام دى رغبة اسيادك واسيادك عارفين مصلحتك فين اخص عليك يا كعبلاوى دايما اليط حتى فى اختلافك أ شر يا كعبلاوى بنعم مسكت القلم وملقيتش قدام عيونى غير لا وكانى مش شايف غيرها يا ولداه علمت علييها واديت طهرى للصندوق مشيت خطوتين وبصيت من قزاز الصندوق لقيت الورقه مطلعالى لسانها وكلمة لا فاتحه رجليها وجواها نعم قلت حكمتك يا رب ( لقد قال كعبلاوى كلمته ) سلااااااااااااااااااااااااااااااااااااااااااااااااااااااااااام مربع لا حلى تعديل فى دستور اسيادنا