جيهان

موضوع: جيهان الثلاثاء مايو 22, 2007 10:57 pm

جيهان

جيهان وخضره وليل حزين

ورمش يجرح النعسانين

وقلب طيب

وعين بتدمع

وشوق ولهفه

لحب مين ؟

مكنتش أعرف

فين الطريق

ولما شوفتك بان الطريق

يا قلبي اسكت

الحب فين

جيهان حزينه

جيهان بريئه

جيهان بتشكي من الحقيقه

القلب "زغرد " لما التقاها

وعنيا دابت من حبي ليها

وإيه جرالى ايه الحقيقه

دا قلبي خايف من الحقيقه

أنا احب تاني ؟؟

أنا ايه جرالي ؟؟؟

يا عم رامي اديني ودنك

أقول لقلبك إيه اللى جاني

أصل الحكايه

إن الحكايه

جيهان حبيبتي

في قلبي جوه

ولما ادور في قلبي تاني

يقولي قلبي اسكت عشاني

أنا كنت خالى ودا طبع حالي

وفجأة حاجه فتحت بيباني

وأجبرتني أحب تاني

وأعشق وادوب

واكتب أغاني

واحب تاني

بس انتا خايف

وقلبك ابيض

جيهان حبيبتي

ياريت تقولي

يا عم رامي إيه الحكايه

حبيتها ؟؟

أيوه

حبتني ؟؟

أيوه

!!!!! قلتلها آنا

قالتلي طبعا ً

بس الحكايه يا عم رامي

إن المسافه بعيد شويه

وقلبي دايب من شوق ولهفة

جيهان

حبيبك هاتجيلو أزمه

ياريت تجيلو

ياريت يروحلك

ياريت يشوفك ولو دقيقه

ياريت في حضنك يبكي ويضحك

ويدوب في حضنك

ويبقى خايف لو فاته حضنك

ما تزعليش من كتر شوقي

أناأصل قلبي بيحب جامد

ولما يكره يكره بقوه

وليه هايكره

أصل انتي حبك

شال " الضغينه" من جوه قلبي

مش هاقدر اكره تاني ياقلبي

وازاي هاتكره ؟؟

!!!! وجيهان في قلبك

دا جيهان حبيبتك

يعني هاتكره وجيهان في قلبك

ودا يبقى كيف ؟؟

وازاي هايحصل

وجيهان حبيبتك

جيهان يا قلبي

جيهان ياروحي

جيهان يا عمري

داوي جروحي

قيدي شموعي

خلي الليالي تزين بقربك

وخلي بعدك آخر حكايه

نبص ليها

أصل انتي جنبي

ومش هاسيبك

ومش هافكر

في يوم أسيبك

ياكل عمري

يا حب عمري

يا مستحيل في ضوء حقيقه

حقيقة اني عشقتك انتي

غلطان في حبك ؟؟

تو تو ياقلبي

دا أحلى حاجه

في الدنيا ديا

جيهان حبيبتي

جيهان عنيا

إبراهيم الشريف

موضوع: رد: جيهان السبت يونيو 02, 2007 7:50 am

جميل ان تتصارع الكلمات على التالق والظهور تتصارع احيانا لتصل للعقل بسهولة ويسر والكثير منها يتصارع ليصل للقلب بكل هدوء

اشكرك على جمال موضوعك ودائما في المقدمة

واتشرف بان اكون اول المستمتعين بها

موضوع: رد: جيهان السبت يونيو 02, 2007 3:28 pm

شكرا على مرورك

إنما الجمال أن تشعر باكلمات تنقض على قلبك

من غير أن تستدعيها

وتشعر بأنك تنتظر ظهور الجمال أمامك في أي لحظه

شكرا لك

موضوع: رد: جيهان الثلاثاء يونيو 05, 2007 7:24 pm

بوحك مميز

احساسك صادق

بجد روعه و احساس عالى

كتبت فابدعت جميل وجودك

تقبل مرورى واعجابى بمواضيعك

موضوع: رد: جيهان الثلاثاء يونيو 05, 2007 9:35 pm

شكرا لك

ولكلماتك الجميله

إنما بكلماتكم أتقدم إلى الأمام

شكرا لمرورك

زائر

لا اجد تعليق يعد تعليق سارة فعلا احسن كلمات تخرج من القلب وتصل الى القلب

موضوع: رد: جيهان السبت يونيو 09, 2007 3:24 pm

شكرا لكلماتكم جميعا