البنات زمان ودلوقتي

يا جماعه موضوع جامد جدا كنت بكلم واحد صاحبي وسالني ايه الفرق بين البنت زمان والبنت دلوقتي قلته العالم زمان كانت رايقه والناس قليله مش هيصه زي الايام ديه وزمان كان الواحد يطلع عينه عشان يعرف عنوانها او يقعد ملطوع تحت الشباك يوم كامل عشان يشوفها من شيش الشباك وهي بتسقي الزرع كان معرفه الولد بالبنت صعبه جدا وممكن تبقي مستحيله ولو ابوها قفش الواد يكلمها كان يسحلها ضرب لحد ما يطلع لها صاحب والعكس كان الجواز سهل جدا لان الناس مش هاممها فلوس يعني بربع جنيه تجوز احلي واحده في مصر وابوها مش هيقعد يعقدها عليك ويقول مؤخر ونفقه لان العالم كان امان والناس محترمه وكلمه الشرف تحترم والالتزام موجود والناس المحترمه كتير والمثل موجود امينه رزق في قصر الشوق الفطار يا حفيظه دلوقتي الدنيا بقت هيصه ومعرفه البنات بقت عادي جدا لان البنت هي اللي بتسال الولد وهي اللي بتتعرف عليه وعادي جدا ان الاب يعرف ان بنته كانت مصاحبه وفركشت وصاحبت تاني قشطه تمام البنت لسه صغيره وعادي جدا ان تلاقي ولد ماشي مع بنت سنين وهما عارفين انها مجرد صحوبيه جامعه يعني لا فيه جواز ولا دياوله لان بسلامته عامل فيها حسن يوسف ومش بتاع جواز او ابوها طلباته تعجيزيه تخنق الواحد يعني النجف من استراليا والصيني من اثيوبيا اوبسلامتها ممكن تكون مخطوبه لواحد من بره مصر جاهز من مجاميعه ومتفق مع ابوها من ايام لما كانوا صغييرين وممكن بقي هما الاتنين يكونوا بيضيعوا وقت وخلاص ده جيل ايه المهبب ده تعالي يا جدي شوف البنات بقت لابسه ايه اسسسسسسسسف مش لابسه ايه والمثل برضه معروف اوشين في فيلم السفاره في العماره ده الواحد كده مش هيجوز ولا ايه

معاك حق يا دنبل ولله و تصور ان برغم كل ده و الفرص دى فى ولاد مش عايزين
يقيموا اى علاقه بين الواد و البت ده ليه؟ لأنهم بيخافوا ربنا و مش بيحبوا
يضحكوا على بنات الناس و بيراعوا الله فيهم ولا ايه رأيك يا جلجل.

شكرا علي الرد يا كيمو وعلوه و اتمني مشاركه اكثر للاعضاء

انا مش معقدها قوى يا علوه بس انت فهمتنى غلط انا لا امانع على الصداقه
البريئه بين الولد و البنت و لكن و اه من لكن دى, ساعات الصداقه دى بتاخد
منحنى خطيير جدا مما يسفر عن عواقب وخيمه و اّثار نفسيه للولد او البنت
على حد سواء , بس لو الصداقه دى منحرفتش و التزمت بحدودها و ده الطبيعى
وكل الناس كده زيى انا ز دنبل و علوه و انا مش معقد ولا حاجه زى ما
الناس فاكره انا بحب اقول رأيى بصراحه بس.

شكرا جدا علي الرد الجميل ده يا ملاك المنتدي