كان فيه بنت اسمها عزه حكايتها مش طبيعيه

يا جماعه واحد صاحبي كان بيكلمني النهارده وقاللي حكايه غريبه هي حكايه عزه حبيت احكيهالكم كان يا جماعه فيه واحده بنت عندها 20 سنه اسمها عزه كانت مثال في الاحترام والحشمه والجمال والثقافه وبنت ناس طيبين وكانت في كليه تجاره القاهره واهلها من المهندسين كانت قمه في كل شي وكان الولاد كلهم نفسهم يعملو ا اي حاجه عشان يكلموها لدرجه انهم كانوا بيتراهنوا علي مين هيكلم معاها في المحاضره بتاعه النهارده المهم كانت فيه شله ولاد معاها في الكليه لا هم ليهم الا معاكسه البنات ومعرفه نمرهم ويخشولهم بالحنجل والمنجل لحد ما يحببوهم فيهم ويعقدوا يخرجوا مع بعض اسبوع ولا اتنين باسم الحب ولوحدهم طبعا ويضحكوا عليهم باسم الحب اللي هو برئ منهم ويصوروهم وهم خارجين معاهم وبعدين يعملولهم سمعه في الكليه وهم بنات محترمات جدا لكن حظهم العاثر وقله خبرتهم في الجامعه وحياه الصحوبيه تيك اواي خلتهم كده نيجي لحكاينا الشله دي اللي يتزعمها واحد اسمه محمد وتامر وحسين المهم تامر وحسين راهنوا محمد علي البنت اللي اسمها عزه لو عرف يصورها معاه لوحدها هيدولوا مبلغ معين مش عارف كام المهم محمد كان لازم يعرف سكه عزه يعني هي واثقه من نفسها ومجتهده وتعرف ربنا وواخدها جد يعني من الاخر مينفعش يدخل عليها يقولها نمرتك ايه اوتعالي نخرج مع بعض او حتي عايز اصور المحاضره ديه منك لانها بصراحه هتبقي شكلها مفتكسومفبرك لانها عارفه ان الشله ديه في الضياع محاضره ايه وكلام فاضي ايه؟ المهم عرف محمد انه لازم يحضر محاضرات ويلتزم فيها من غير مايبين لها انها السبب عشان يعرف بس يكلمها المهم قعد يحضر محاضرات الكليه الاول طبعا كان بيمل منها جدا وكتير قال لنفسه يفكس من الحوار ده لانها بنت معقداها بس في نفس الوقت جماله وكمان شلته اللي هتعقد تذله لو فكس للحوار ده وتتهمه بالفشل . كان في الول بينام في المحاضره وبعدين ابتدي يسمع شويه وبعدين بقت متعه بالنسبه له انه يحضر المحاضره ويحس انه فاهم وابتدي يشرح المحاضرات للطلاب اللي بتساله ولكن حضور المحاضرات والكلام ده كله مخلهوش يبعد عن الموضوع اللي في دماغه المهم في يوم بعد ماحضر المحاضره لقي عزه جايه له عايزه تفهم حاجه في المحاضره ومن كتر دهشته من اللي حصل قعد يتلعثم في الكلام وكان منظره مضحك حتي انه اضحك عزه الوقوره وهي بصراحه استريحتله جدا وبعدين ابتدوا يحضروا المحاضرات مع بعض ويذاكروا مع بعض في الجامعه ولكن شلته قعدت تزن علي ودانه انه ينجز المهمه ويصورها وهو مكسوف منهم جدا المهم ابتدي يخرج معاها بحجه ان المذاكره في الجامعه صعبه ودوشه وقربوا لبعض جدا وابتدي يتكلم معاها ليه هيه متكبره وعايشه في الدور؟ قالتله انها بس عايزه الناس تحترمها ومش عايزه تبقي خفيقه زي البنات الهايفه اللي في الجامعه . المهم من غير ما يعرف حبها وتعلق بيها جدا وبقي يروح الكليه كل يوم واليوم اللي بيعدي عليه من غير مايشوفها بيبقي جحيم وهي استريحتله وبصراحه ابتدي قلبها يحب اول شخص اتكلمت معاه في حياته وقالت لامها وابوها حقيقه مشاعرها تجاه ذلك الشخص بل انه تعرف الي والدتها ووالدها وكان ياتي ليتناول الغذاء معهم ويذاكر معها طبعا في حضور مامتها وابوها وساعات اخوتها المهم كان كل شئ جميل وكان والدها ووالدتها مرحبين بهذا الولد اللي دخل البيت من بابه ولم يدروا ماهي النيه الحقيقيه لهذه المعرفه المهم ابتدت تخرج معاه لوحدها من غير مايذاكروا كانوابيروحوا سينما و حتت كتيره ودماغه ابتدت تقوله لا انا مش هصورها لانه بيحبها بجد لكن شلته كانت وراه بالمرصاد وما غلبش من تريقتهم انها ضحكت عليه وانه بقي خيخه ضعيف لا بيهش ولا بينش وانههم مش عايزين يعرفوا واحد زيه خيخه المهم ورا الضغط ده اتفق انه يصورها وفعلا صورها معاه صوره رومانسيه وهي قاعده جابنه ماسك ايديها بحجه انه مبيعرفش ينام غير لما يشوفها
ونشر الصوره ديه علي النت في موقع اكبر شله في كليه تجاره اللي الطلبه كلهم بيدخلوا عليه ولما جاءت عزه الكليه اليوم التالي لهذه الصوره لقت الناس كلهم بتنم عليها ومصدقوا يلاقولها حاجه وهي الكيان الشامخ اللي عمر محد كان يقدر يكلم عليها او حتي يبصلها بصه كده الكليه كلها الان بتضحك عليها وبتسخر منها شعرت عزه في هذ اللحظه بالانهيار التام حتي ان بعض زميلاتها المقربات وصلوها لبيتها وهي منهاره تماما. المهم لم ير اح عزه في الكليه منذ ذلك اليوم واصيبت بانهيار تام وقعدت في المستشفي اسبوعين وبعديها عرف الناس انها سافرت مع ابوها الي دوله عربيه لانها مش هينفع تعيش في مصر بعد اللي حصل لها وفقدت الكليه رمز عظيم من رموز الفخر والعزه والاعتزاز بالنفس ؟ انتوا عارفيين الشللله اياها ايه اللي حصل لهم . حصل لهم تغير في حياتهم فبعد سهر وسجائر ومخدرات وسكر وانتهاك لاعراض الناس اصبح الوضع مختلف فهم الان مهتمين بدراستهم مواظبين علي الصلاه وهم الذين لم يرهم احد من قبل في جامع الكليه اصبحوا الان دائمين التواجد في الجامع محبين لاصدقائهم فسبحان الله الذي جعل هذا الملاك سببا في هدايه هؤلاء الشباب واخذهم الي الطريق الصحيح ؟ولكن السؤال الذي يطرح نفسه ماذنب هذه الفتاه التي انهارت تماما نفسيا ومعنويا ولماذا لا نحافظ علي اعراض الناس ولماذا لا نتقي الله في البنات ونحافظ عليهم سواء نعرفهم او لا نعرفهم ولماذا لابد من ضحيه تضحي بنفسها من اجل اخرين واشكركم وارجو منكم الرد.

شكرا جدا علي ردك علي موضوعي وفعلا عندك حق ان المفروض البنت ما تسمحش لحد انه يحطها في موقف زي ده لكن مش كل الولاد زي الشله دول فيه ولاد محترمين ومهذبين وبيخافوا علي البنات اللي يعرفوهم ويعتبروهم زي اخوتهم

موضوع هايل يا دنبل بس الشلة دى قله يا angel مجرد حاله مش ظاهره زى مأنت فاكره الولاد الكويسيين كتييير برضه .