البنت زى الولد(مش كمالة عدد!)

"أول ما قالوا ده ولد اتشد حيلي واتسند، وأول ما قالوا دي بنية اتهد البيت عليّ"..
"يا مخلفة البنات يا شايلة الهم للممات"..
"عقربين ع الحيط ولا بنتين في البيت"..

طبعا عرفتم احنا بنتكلم عن إيه المرة دي!..


عن البنات البنات أجمل الكائنات، والقهر اللي بيتعرضوا ليه بصفة مستمرة بس عشان هم كده.. خلقتهم كده..

وقبل ما ذهنكم ما يروح لجمعية المرأة المتوحشة والمرأة والساطور والفك المفترس، خلونا نقول في الأول إننا مش بنقول إن الست في مصر مش واخدة حقوقها.. هي واخداها بس مش كاملة..

ومن ضمن الأسباب في ده هو توارث الأفكار المتخلفة زي الموجودة في الأمثال اللي قلناها دي..

طبعا الأمثال دي منتشرة أكتر في الريف، بس تقولوا إيه للي يلاقي لكم أمثلة زي دي مش أقل تخلفا موجودة في أدمغتنا عن المرأة..

مشهد 1:


نتيجة الثانوية العامة طلعت..
والبنت عمالة تفكر.. تدخل إيه بمجموعها.. فنون ولا آداب ولا إيه؟

وتقرر إنها تتصل بحد من صاحباتها أو معارفها تستشيره، والرد يكون كده:
يا حبيبتي إنتِ ليه مغلبة نفسك، ما البنت آخرتها الجواز.. هيههيههيهييي!



سؤال:

حد خد باله من إن البنت لما تنجح دايما يقولوا ليها "عقبال ما نشرب شرباتك" أو يقولوا لوالدتها "تفرحي بأولاد أولادها إن شاء الله"..
مع إن مافيش أي مناسبة للسيرة دي خالص؟!




***

مشهد 2:


حاجة تانية برضه من واقع المشهد الأولاني، وبمناسبة سيرة الجواز..

صاحبتين يتقابلوا بعد كام سنة تخرج.. كل واحدة منها قربت على الثلاثين ..
- وإنتِ عاملة إيه دلوقت في حياتك؟
- الحمد لله باشتغل ومركزي كويس في الشركة..
-أنا معايا "أحمد" و"منة".. إيه ده
(تقولها بعد ما تاخد بالها إن إيدين زميلتها مافيهاش دبلة).. اوعي تقولي؟
- إيه؟
- لسه ماتجوزتيش؟
- لسه النصيب ماجاش..
(تحتضن صديقتها في لحظة حنان مفاجئ)
- يا حبيبتي ي ي!


المجتمع ككل (رجالة وستات) بيعتبروا المرأة كائن ناقص من غير جواز.. غير كامل.. وياللهول بقى لو البنت اتأخرت في الجواز وقربت من الثلاثين ولا حاجة.. وشبح الكلمة السخيفة المؤذية اللي باربع حروف ظهر (ع ا ن س)..

سؤال:

هو ليه لما البنت بتتأخر في الجواز بيقولوا عليها "عنست" ومش بيقولوا كده على الراجل؟




***

مشهد 3:


البنت ماشية مع صاحباتها البنات على الكورنيش بعد ما قرروا إنهم يعملوا جولة في البلد زاروا فيها منطقة مصر القديمة..

بيتكلموا ومش حاسّين بالوقت وأول ما الدنيا تضلم يحصل هرج ومرج.. البنات خايفين من الضلمة -اللي كانوا بيخافوا منها وهم صغيرين دي- وتعدي لحظات ويتفرقوا البنات وهم بيقولوا:

"إن شاء الله المرة الجاية نخرج بدري عن كده عشان نلحق نروح قبل المغرب".


سؤال:

هات لي اسم بنت واحدة عرفت تشوف سحر القاهرة بالليل؟!




***

مشهد 4:


في البيت الأخ بيتباهى بصاحباته البنات.. بيتصلوا بيه على تليفون البيت عادي..

الأم والأب مش بيعلقوا أصله ولد، و"البنت هي الحد الوحيد اللي بيتضر من الصحوبية دي" وهو نافش ريشه جدا، وفخور بإنه "مقطع السمكة وديلها"..

ومع إن الأباء بيكونوا ساكتين على الخروجات والاتصالات (بالنسبة للولد طبعا) إلا إنك ممكن تسمعهم بيتكلموا على البنت وهم بيضربوا كف بكف ويقولوا
"هي أهلها فين دي؟"!


سؤال:

لو حد قال لك إن فيه بنت "مقطعة السمكة وديلها" هيكون رد فعلك إيه؟




***

مشهد 5:


فيه إنترفيو لوظيفة سكرتيرة في أحد الشركات الكبيرة..

بنتين شيك جدا بيدخلوا عشان المقابلة.. واحدة شيك ومحجبة والتانية شيك و(ولا مؤاخذة) مُزّة!

بعد 3 دقايق من المقابلة يخرج المدير يعلن اختيار المزة..

سيبك بقى من مؤهلاتها أو لغتها أوكفاءتها أو أي عبط من ده.. المهم الواجهة يا عزيزي

سؤال:

ليه لما حد يقول ماتعاملوش المرأة كسلعة مخنا بيروح لعصر الحريم والجواري ومش بنفكر في النهاردة؟




***

في النهاية عارفين جزء من ردود الأفعال اللي هتيجي لينا من نوعية..
إن الست خدت كل حقوقها والرجالة هم اللي حقهم مهضوم..

بس أملنا في حل موضوعي للسؤال ده:


لو أنتِ بنت..
إيه اكتر الصعوبات اللي بتواجهك في المجتمع؟
وإيه الحاجات اللي بتضايقك؟ وإزاي بتقدري تتغلبي عليها؟

ولو ولد..
أنت شايف الموضوع

مشكورـمشكورــــــــــــــــــــــــمشكورـمشكو ر
مشكورـــــــــــــــــمشكورــــــــمشكورــــــــــ ـــــــمشكور
مشكورـــــــــــــــــــــــــــــــــــمشكورـــــ ـــــــــــــــــــــــــــــمشكور
مشكورـــــــــــــــــــــــــــــــــــــــــــــ ـــــــــــــــــــــــــــــــــــــــــــــمشكور
مشكورـــــــــــــــــــــــــــــــــــــــــــــ ـــــــــــــــــــــــــــــــــــــــــــــــــم شكور
مشكورـــــــــــــــــــــــــــــــــــــــــــــ ــــــــــــــــــــــــــــــــــــــــــــــــمش كور
الموضوع رائع
مشكورـــــــــــــــــــــــــــــــــــــــــــــ ــــــــــــــــــــــــــــــــــمشكور
مشكورـــــــــــــــــــــــــــــــــــــــــــــ ــــــــــــــــــــــــمشكور
مشكورـــــــــــــــــــــــــــــــــــــــــــــ ــــــــــــــمشكور
مشكورـــــــــــــــــــــــــــــــــــــــــــــ ــــمشكور
مشكورـــــــــــــــــــــــــــــــــــــمشك ور
مشكورــــــــــــــــــــــــــمشكور
مشكورـــــــــــــــمشكور
مشكورـــــمشكور
مـــشـــكـــور
عملت ده لواحدك وله حد سعدك هههههههههههههههههههههههه

حد مين اللى ساعده بس

ده من حبه فيا

مش فى مصر بس يا سارة
وفعلا دى عادات العرب من زمان
وعلى فكرة مشكورة على الرد والمرور الكريم